•°¤¦ خيمة بدو! ¦¤°•

يسعدلي صباحكم/مساكم

/
\







ليه المسا عوق الشقـاوي وطبّـه..؟
وليه الهبوب تصحي القلب لا بات..؟
وليه القمر يدعي جريـح المحبّـه..؟
ويقول له يا هيه..ما فات ..ما مـات
جرحك ظهر لو قلـت للوجـه خبّـه
وللحزن في ضحكك رسوم وعلامات
وليه المطر بالذات ريحـه.. وصبّـه
كنّه رسول بين الاحبـاب بالـذات..؟
اشتـاق فـيـه لشوفـتـك واتنـبّـه
للي نسيتـه مـن مواقـف ونظـرات
لا استانس الخافق ذكـر مـن يحبّـه
ورجع يراجع فالوناسـات مـا فـات
يا مرتـع القلـب الحزيـن ومربّـه
يزيين بك مثل الذهب صدر الابيـات
هيهات ينسى القلب شخـص ٍ لعبّـه
وهيات يدله خاطـري منـك هيهـات
سبك مديـح ومـدح غيـرك مسبّـه
تقول واذني صوتها تقول لـك هـات
ونبع الغـلا عنـدك وعنـدي مصبّـه
ومن الولا .. في خافقي لك ..ولاياات
وطيفك حطب عيني..وعينـي مشبّـه
والشوق برد ٍ ما انقطع لو للحظـات
ومكانك الصدر ولـك القلـب شبّـه
بين الظلوع اللـي فردهـا التنهـات
ولـك بيـرق ٍ فالقلـب حبـك يهبّـه
شامخ ولا هزه مـن العـذل غـارات
محبتـك فالوقـت ذا مــا تشـبّـه
الا بخيمـة بـدو بيـن العـمـارات
ان شفتني ضايق واهوجـس واسبّـه
اخاف غدر الوقت.. والوقـت دورات
لا تحسب ان دمعي نـزل دون سبّـه
ابكي من الفرقا وهـي مابعـد جـات
الـيـوم كــل امورنا..مستـتـبّـه
وبكره ماندري وش معه من مسـرّات
اربّ قلبـك مـثـل قلـبـي اربّــه
ما يخلفه كثر العذل.. والمسافـات..؟



/
\



للمبدع:محـمـد بـــن حـمـد المري

اتمنى تحوز الاعجاب

منقول

لا تحسب ان دمعي نـزل دون سبّـه
ابكي من الفرقا وهـي مابعـد جـات
الـيـوم كــل امورنا..مستـتـبّـه
وبكره ماندري وش معه من مسـرّات
اربّ قلبـك مـثـل قلـبـي اربّــه
ما يخلفه كثر العذل.. والمسافـات



تسلمين على القصييييييييده الروعه والنقل الرائع وما تقصرين حبيبتي

الله يسلمج ويعافيج غناتي وحده كول ..
ومشكوره على هالمرور الحلوو حبيبتي

	صح لسانج ولسان الشاعر

اشكرج على الشعر المميز